Simbu : சிம்பு திரைப்படங்களில் வந்த அட்டகாசமான 5 சூப்பர் சுற்றுலாத் தளங்கள்

கமல்ஹாசன் போலவே நடிகர் சிம்புவும் சின்ன வயதிலிருந்தே திரைப்படங்களில் நடித்தும், பல்வேறு திறமைகளை வளர்த்தும் இன்று முன்னணி கதாநாயகர்களில் ஒருவராக உயர்ந்து நிற்கிறார்.

பொதுவாக சிம்புவுக்கு நண்பர்கள் என்றாலும் அவரது ரசிகர்கள் என்றாலும் மிகவும் பிடிக்கும். அவர்களுக்காக நிறைய விசயங்களை முன்னின்று செய்வார். சிம்புவின் திரைப்படங்களில் பல சுற்றுலாத் தளங்கள் வரும்.

ஒன்று அவை ஏற்கனவே பெரிய சுற்றுலாத் தளமாக இருக்கும், இன்னொன்று இவரது படத்தில் வந்த பிறகு அது பிரபலமாகி சுற்றுலா பயணிகளின் கவனத்துக்கு வரும். இப்படி சிம்பு படங்களில் வந்த 5 அட்டகாசமான இடங்களைப் பற்றிதான் இந்த பதிவில் நாம் காணவிருக்கிறோம்.

காந்திக்கோட்டை

செக்க சிவந்த வானம் படத்தில் கிளைமேக்ஸ் காட்சியில் வரும் இடம் காந்திக் கோட்டை. இது ஆந்திர பிரதேச மாநிலத்தில் அமைந்துள்ளது.

வரலாற்றில் மிக முக்கியமான இடமாக அறியப்படும் இந்த பகுதி, பெண்ணை ஆற்றின் கரையில் அமைந்துள்ளது. அந்த படத்திலேயே தெரியும் விஜய் சேதுபதி, சிம்புவை சுட்டு வீழ்த்துவதாக காட்சி அமைக்கப்பட்டிருக்கும். அப்போது அருகிலுள்ள மிகப் பிரம்மாண்டமான பள்ளத்தாக்கு காட்சியில் வரும். இதே இந்த படத்தில் பாருங்கள் உங்களுக்கு புரியும்.

சுற்றுலா

கடப்பா மாவட்டத்தில் அமைந்துள்ள ஜம்மலாமடுகு மற்றும் முத்தானூரு பகுதிகளிலிருந்து மிக அருகில் உள்ளது. இவை இரண்டும் காந்திக்கோட்டைக்கு அருகில் உள்ள ரயில் நிலையங்களாகும். ஜம்மலாமடுகு பகுதி சிறுநகரம் ஆகும். இங்கிருந்து காந்திக் கோட்டைக்கு செல்ல பயண வசதிகள் உள்ளன.

காந்திக் கோட்டை அணை மற்றும் மைலாவரம் அணை என இரண்டு அணைப் பகுதிகளும் இங்கு உள்ளன. வார இறுதிகளில் சுற்றுலா பயணிகள் இங்கு வருகை தருகிறார்கள்.